تجربه تربية البط في سطح المنزل.

شارك الموضوع

 تجربه تربية البط في سطح المنزل.

الدال علي الخير كفاعله ..
انهرده هنتكلم تربية البط ،
/البطه الواحده عموما بتاكل 12 كيلو علف فى دورتة كاملة
( الدورة يعنى مدة التسمين وبلغة التربيه اسمها دورة سواء لفراخ او بط )
ايا كان نوعة مسكوفى ولابغال ولا بكينى ولا سودانى
كله وااااحد نفس كمية الاكل
والمساااحه لتربيته البط هى
المتر المربع بيتربى فيه بطتين بسسسس
يعنى لو مكانك عشرين متر يتربى فيه تلقائى اربعين بطايه
1- المسكوفى ( البياض
المنشاء جنوب افريقيا ( المناطق الحارة )
ومنه نوعين
ابيض واسود ويوجد على الوجه زوائد جلديه حمراء وهو عريض وحجمه كبير ووضع الراس افقى مع الارجل
ومنة دكر ونتايه
فترة تربيتة 100 _ 120 يوم
بيدى وزن الدكر 4 _5 كيلو وللانثى\4 -- 3.5
بيبيض عمر 6 شهور وبترقد النتايه على بيضها وتفرخة بعد 33 يوم
شكلة وهو صغير زى ماهو كبير بنى على اسود او اسود فى ابيض وعريضة البطه ومنقارها ابيض فى اسود
سعر الجوز عمر اسبوعين 00 جنية او 00 حسب السوق وظروفة
هو حساس فى تربيته شوية
عايز مضادات حيوية ( مش هتطرق ليها غير لو حد سألنى
وهى لتكون حقن الفخذ بحقن سيڤوتاكس بشرى ١ جرام بتتوزع حسب الكميه والوزن الكلى وتقسيمه عايزة شرح احنا كمزرعه ماشيين عليها ) المهمممم ركزو
عشان ميجلهوش البرد وكساح لو برد اوى وحلهااا بسيط ( الوقايه خيرا من العلاج يعنى ايييه
عايز دايما الارضية تحت رجلية ناشفة مش مبللة وهيبقى زى الفل
عشقة الاول والاخير الشمس
بيحبها جداااااااااا
خصوصا لو وضعتيلة بلاستيكاية مية فى الشمس ينزل يسبح فيها
ويطلع يتشمس وينشف نفسه بيبقى يومة بعشرة يكبر اسرع
وبياكل اول شهرين او اقل علف بس 23%
وباقى الايام قبل الدبيح اكل البيت + علف بروتين ٢١٪
واكلته خفيييفه كل مايكبر يبقى بسيط فى اكله
البط منقاره ورجله هما العلامه الوحيده اللى تميزة عن بط رخيص اخر زى البكينى
.
.
.
.
.
2- البط المولر او ( البغال )
كلها اسماء واحدة لنفس البطه ( وبتكون مخنثه لاهى دكر ولاهى نتايه وانااا بحبببه جدا عشان كل البط وزن واااحد اسطمبه واحدة ودورته شهرين ونص بسسسس يعنى اقل تكلفه وخدمه
و الاهمممممم بطه بتتحمل كل الجو حار شتا بطه قويه مبتكسحش ولا بتتبهدل ولا حساسه زى المسكوفى
المولر ( البغال
ناتج من تزاوج المسكوفى والبكينى والناتج عقيم
ودا المستورد منه بيجينا من فرنسا مخنثينه عشان منافسهمش ونعمل انتاج ونستغنى
بس المصريين شطار لما الاستيراد بيقف
لرفع سعر الدولار او فى انفلونزا بفرنسا وبنقفل باب الاستيراد
بيعملو نتاج محلى من البط البغال المحلى صحيح بيدى اوزان ٤ كيلو بس نعمه
لانه نوعين ابو عين حمرا وفرو اصفر سااده بيتسمى ( بلانشار )
سااده وعينها حمرا
( بكلمكم من باب المعلومات اللى تخليك تشترى وانت فاااهم ميضحكش عليك
وانت بتشترية وهو صغير عمر اسبوعين
سعرة من 00 ل 00 ج للجوز حسب السوق وظروفة
دورة تربيته ٧٥ يوووم بسسسس ويدبح بعدها
بتشتريه عنده اسبوعين وبيقعد عندك شهررين
بيتربى اول شهر علف 23 % بروتتين
وباقى الايام اكل البيت البواقى وعلف ٢١٪
بيدى نفس الوزن من ٥ الى ٦ كيلو كلو زى بعضه( المستورد
.
.
.
.
.
،3- البط البلدى
او السودانى
وهو شبيه بالبط المسكوفى او يسمى بالبح
وهو ينحدر من البط المسكوفى ولاكن اقل منه فى الوزن
يصل وزن الذكر الى ٣ ك والانثى الى 2.5 ك
تربيتة حساسة بيحب النباح واكل الذباب وقت لعبة هههه
وزنة ضعيف بالنسبة لفترة تربيتة عشان يدبح يقعد تربى فيه ٦ شهور !!!!!! يعنى خررراب فى العلف والمجهود ١٨٠ يوم !
الدكر 3 كيلو والنتاية 2 كيلو
مبحبش تربيتة زى قلتة كوزن ودورة طووووويله جدا
البغال والمسكوفى برقبتة الف مررره
/
كدة انتم عرفتم اهم ٣ انواع للبط بالاسوااق
لما تشترو وتربو او تشترو جاااهز من اى ماركت ( ودا اخرت بعضكم بشرحله ع الفاضى انا هههه
المهم ابقو اعزمونى بدل هدت الحيل دى
تحياتي ،
دعواتكم لكل من شارك ف اعداد الموضوع